كلمات أغلى ثرى Aghla Thara

للعز يا قبلة جميع المسلمين
يا أغلى ثرى بين الثريا والثرى
دولة هل العوجا كعام العايلين
ما هي بلحية بيع وإلا مشترى
يكرم ثراها عن يدين العابثين
اللي درى يخبر بها اللي مادرى

من دونها ندحم بجنبٍ ما يلين
أفراد وأعيان ومشايخ وأومرا
من دونها في اللازمة متكاتفين
وإلا نهار اليسر في الطيب خسرا
حامينها عن زمرة المستعمرين
أيام ردات البرا على البرا

عشنا بها يومٍ وجه الوقت شين
قدام خط الفقر والناس فقرا
ما نشبع من الزاد فيها ليلتين
من لاهب الأيام مانلقى ذرا
لكن فيها ما نطيع الحاقدين
من دونها دايم ما نسمع ما نرى

الله جمعها كلها دنيا ودين
من يوم أبو تركي على المصمك سرا
عهدٍ علينا من عصور الأولين
من ينقضه عليه الله أكبرا
نصبح ونمسي بالولاء متمسكين
طاريٍ طرا على الخوارج ماطرا

اللي من الإسلام وأهله مارقين
الدين وأهله من فعايلهم برا
بين النصارى والمجوس مجاهدين
جهادكم خلوه دون أم القرى
من دون دارٍ دوننا حصنٍ حصين
أم ٍ ربتنا ورفعتنا في البرا
حنا ما حنا دونها متخاذلين
من دونها والله ما يلحقنا زرا
في ظل أبو متعب عسى عمره سنين
اليا دعانا قدم ما نرجع ورا
مليكنا وإمامنا ليث العرين
حنا نجاهر في محبتك جهرا

اليا دعانا في لزومه جاهزين
يآمر ويلقانا على الحد قصرا
إما الحياة اللي تسر الناظرين
وإلا العدو يبطي وجرحه مابرا
قولوا لأبو متعب عذاب المعتدين
حنا على كيفه ويفعل ما يرى

ما دام سلمان السعد على اليمين
ما عاد نبغى ساعة الشور شورا
يدحم براسٍ صلب وبجنبٍ متين
وزير طيب إن طاب للطيب وزرا
في ظلهم عشنا على سمن وسمين
حكام عزٍ دوننا ظل وذرا

جبال نجد اللي لها القاسي يلين
يا طويق سلم لي على قمة كرا