كلمات مسيت بالخير

مسيت بالخير ياشفي ويا ذوقي
يامكسبي فالغرام ومصدر اشواقي
القلب هومنزلك ودروبك عروقي
في كل عرق لرجلك موقع تلاقي

وان ضقت من قلبي اطلع منه لموقي
يعني مكانك مابين القلب واحداقي
يالذه العشق ياطبي ويا عوقي
ياورده ماغفل من ريها الساقي

ومن يوم لقياك يمك مابرد شوقي
ولاتهاونت في عهدي وميثاقي
يمبيك عن شوقي اسلوبي ومنطوقي
واكبر الادله لاشفتك زانت اخلاقي

هاك اكبر حقوقك وهات اصغر حقوقي
لاكنك احذر تخيب هقوه الهاقي
يتل قلبي على طاريك معلوقي
وافز له وارتكز على عظم ساقي

واختار جزل الغزل واجر طاروقي
ورجع الذاكره وارتب اوراقي
واقول محد من العشاق من فوقي
دامك معي ياسفير المستوى الراقي

هذا وانا يكفي من ارعودي ابروقي
ياحظي امن الغرام وقسمي الباقي
مادمت بين العذارى صرت معشوقي
ارحب علي الحرام انها من اعماقي

يلعب لك القلب من فني وطاروقي
العب له احلا طروقك واترك الباقي