كلمات بداية عام

ليله بدايه عام فيها انتهى العام
‏وحبك مثل ما هو لو انك بعيده

‏تستاهلين الشوق وان مرت اعوام
‏انت عمر يستاهل اني اعيده

‏اهديك ان عمري وتفداك الايام
‏ما هو بس بوردتين وقصيده

‏للوصل اقول الوعد قدام قدام
‏كل ما طرى لي الشوق واخذني بيده

‏نامت عيوني لكن القلب ما نام
‏يرقب لقاك مراقب الحر صيده

‏ما مرني حبك مثل مر الاكرام
‏عدى مثل فرصه حياتي الوحيده

‏اجلت افراحي وقيدت الاحلام
‏الين ما حبك بيوم استعيده

‏وان كانت الذكرى ترسخها الاقلام
‏بكتب بها كل يوم صفحه جديده