كلمات قلت المطر

قلت المطر قالت من اليوم ديمه
ما به رعد لا برق ما غير هتان
عشق جمع ما بين قاع وغيمه
سيل على صدر الثرى دمع الامزان

همس النديم اللي يعاتب نديمه
صوت المطر كنه تعاتيب خلان
تبسمت لاجل الليالي القديمه
وقالت تذكر قلت يا بنت نسيان

نقض الجروح اللي تشافت ظليمه
لا عاد به وصل ولا عاد هجران
ما للرجا في بعض الاحوال قيمه
و ما للعمى صبح ولو بات سهران

لو للزمن عن نيه الغدر شيمه
ما فرق احباب ولا بعد اوطان
لاشك وينك يا القلوب السليمه
اللي تجازي عن خطا الخل غفران

كلن خصيم وذاق لوعه خصيمه
واللي خصيم الوقت يا بنت خسران