كلمات ظالميني

ظالميني أحارب أسود ليلهم بالنور
على طريق العز ودهم تنكسر ساقي

صبحتهم بورد وأمسيت منهم مغدور
فرق بين الخلوق وعديمين الأخلاقي

شاعر كثر حبات الرمل عندي شعور
وأحس الغيم يمطر وقت أشتياقي

على نغم ضحكاتي الأرض تنبت زهور
ومع كل قافٍ أشوف بالسما براقي

نخيل أشعاري يثمر قصايدي تمور
النخل نخلي وأنا تـراي السـاقـي

أحلامي الواجد تحز بخاطرٍ مكسور
وعذابي لا سألتها متى يوم التلاقي

لو صحيح أن داخليات البشر بحور
أنا عيوني تحكي وش في أعماقي

ما الف وأدور وطموحي يلف ويدور
أبي أسرقه مثل ما هو سـراقـي

أختلط مع تواضعي شيٍ من الغرور
يوم لقيتٍ حبٍ ما يبُاع بـ الأسواقي

بنيت لها برجٍ من ثلاث ميّة دور
وفي كل دورٍ قصايد على أوراقي