كلمات بنات البرق

مداد الارض وسنا الشمس وعيون القصيد
والمجد نجد وسنام طويق وجبالها

في ظل اخو نوره اللي جعل عمره مديد
تعيش داره ودار العز برجالها

يا شجره الخير ياللي كل طلعك نضيد
ناكل من عذوقها ونظل بظلالها

تحزموا يا اهل الناموس حان الوعيد
في ساعه ما تغني غير لابطالها

للركض والضمر العجلات راس عنيد
راس على الطايله يتعب ويرقى لها

جرد الرقاب الاصايل عاليه الرصيد
خفايف ما تحسب القاع مثقالها

تخيروا من بنات البرق عوصا شريد
سندا رسوم السعد والعز بقبالها

في جمره عيونها نار تصالي حديد
تقول كن القشر والشر يبرى لها

على استماتت عقيد ناطح له عقيد
في حزه تندب الخفرات رجالها

جردا ما معها معشى في طويل المديد
دايم وهي باخر الامتار بلحالها

يطول صوت العزاوي لاقبلت من بعيد
يمكن لو ان الهوا ما قفته شالها

على طاليع شببها يبدعون النشيد
والسيف من راعي العوجاء يجي فالها