كلمات فينك يا مشواري

فينك يا مشواري
يا ابو المشاوير يا مشواري
قريب من خطوتي
ولا لسه كتير يا مشواري
صبرت كتير ومستني
وخايف عمري يسبقني
يا مشواري ما تسمعني
انا عارف تمام انك
لا متمهد ولا انت حرير يا مشواري
مشيت ومشيت ولا تعبتش
خطاوي ياما ماتعدش
وكل خطوه تهد
ارفع حمولي واشد
امشي وعيوني تمد
اخرك يا ليلي فجر
يشقشق في الخلا ينعش
ولو فاكر مالكش كبير
انا جايلك يا ابو المشاوير يا مشواري
يا مشواري انا شايفك
خطوط مرسومه فوق كفي
قصاد عيني ومني قريب
ونا ماشي كاني غريب
اتوه واسال عشان القاك
يا باقي العمر هتكفي