كلمات الله كريم
الله كريم اللي جمعني معاك انت
والا انا حبك من سنين ناسيه
مات الغلا يا من للاحلام اذعنت
واللي يموت اشلون ترجع وتحييه
تقول لي للحين وافي ولا خنت
توك بعد ماضاع عمري تواسيه
خلاص نصف القمر ولى وكفنت
حبك وباقي ذكرياته وطاريه
خلني اروح ارجوك ياقلب لاهنت
ويكفيني من هالحب كثره بلاويه
من ماحصل لان الحجر وانت مالنت
ياحبي اللي عذبتني ماسيه
وانا باحكام المقادير امنت
ودريت باللي ما بعد انت تدريه
وياما تجرعت الهوان وتجننت
وبغيبتك عانيت ما لا تعانيه
ومن زود ماجاني من الحب اعلنت
انساه وانسى مابقا من بواقيه
وفعلا تناسيت المحبه وايقنت
ان الهوى كفت وعفت لياليه
وفجاه بدون اعذار شفتك وبينت
راجع الى عهد المحبه تناديه
شفتك نسيت اني عن الحب هونت
ولا انتبهت الا وانا اقول لبيه