كلمات إكمني شملولة وفايقة
إكمني شملولة وفايقة
علة على قلب المدايقة
أحلاهم كايداهم فارساهم
إكمني شملولة وفايقة
يشوفوني لابسة ألا موضة
بيغيروا ويفلفلوا مني
من صغري تملي موعودة
بحسدهم واللي يلومني
أحلاهم ده انا كايداهم فارساهم
إكمني شملولة وفايقة
ده العز مخلوق علشاني
والغيرة مخلوقة لهم
ويا ما ناس بتهواني
ولا حدش يسأل عنهم
أحلاهم ده انا كايداهم فارساهم
إكمني شملولة وفايقة
عايزيني أداري جمالي
ما يصحش أحرم عشاقي
وزي حسني ودلالي
تلف الكون ما تلاقي
أحلاهم ده انا كايداهم فارساهم
إكمني شملولة وفايقة
يا ما قالوا وعادوا عليا
على نارهم كده خليهم
أنا واحدة أهو وأهم مية
وبرضو أنا فايقة عليهم
أحلاهم ده انا كايداهم فارساهم
إكمني شملولة وفايقة