كلمات كل الرياض
يا هل العوجا مساكم زاد فيه النور نور
و السما تبرق و ترعد فرحه بمنيره و فهد
انورت كل الرياض و زانها نور الحظور
مرحبا باللي على العزوه وفيين العهد
حي رزات البشوت اللي لها الدنيا تثور
و حي راعين الطوايل عم و خال و جد
بندر و بندر جمعهم عز يا طيب الجذور
في هل العوجا وصوف المدح ما توفي ابد
غاده و والجوهره بمسانا بهجه تملي الصدور
فرحه القلبين فيهم كلها فخر و سعد
يافهد هاليوم فرحه باول خطاك السرور
مهرت بيدك رسنها ما لها قد و حد
في حضورك شمس تشرق كلها هيبه و غرور
فارقه ع الجيل كله ما يجاريها احد
منيره اللي كل نجمه بالسما منها غيور
طيبها و الزين لاجله الفخر قام و شهد
ادعوا ان الله يتمم شملهم يبقى دهور
تثري الدنيا عليهم نبت اب بنت و ولد
تغمر الفرحه سنين و تملي بيوت و قصور
و الدروب اليا خطوها كلها عز ومجد