كلمات El Oghneya Di Mesh Leek

مستنية تعتذرلي يوم في أغنية
مش هتعمل كده و أكيد من الخوف
عارفة انك مش هتقولها في الحقيقة ليا
بتقنع نفسك إن مانعاك الظروف

و اللي عَملَته فيك أهو عملته فيا
إمتى الكارما تنقذني و يرد الكون
و جبت أخري و خلاص فاض بيا
هبطل لوم و هعّلي الصوت

عارفة إني كَتَّرت في المكالمات
طول عُمرك بتحسسني إني خانقاك
طب رُد عليا قولّي إجابات
ليه تسيبني لوحدي أنا و الخيال؟

بس لو يرجع بيا الزمن
و يخليني أمسح اللي فات
و في ثواني ألاقيني ناسياك

كل نغمة كانت بتطبطب على روحي المكسورة
كنت بغني معاك كل كلمة و آلامي مسموعة
كنت الوتر اللي بيعزف لحني و يهوِّن اللي فات
دلوقتي صوتك بقى يقتلني و يسيبني موجوعة

و احتمال تكون دلوقتي معاها
قُلت زمان انك نسيت ذِكراها
كُنت كداب  روحك ماكانتش معايا
مش كارهاك  رغم قساوة النهاية

مش هسمع أغانيك و أزود بيها دمعي
هنسى الحلم البعيد و أستنى يطيب جرحي
بقيت ليا غريب مش مستنية ترجعلي
هقفل كل طريق و أبداً مش هتوصلي

كل نغمة كانت بتطبطب على روحي المكسورة
كنت بغني معاك كل كلمة و آلامي مسموعة
كنت الوتر اللي بيعزف لحني و يهوِّن اللي فات
دلوقتي صوتك بقى يقتلني و يسيبني موجوعة

كل نغمة كانت بتطبطب على روحي المكسورة
كنت بغني معاك كل كلمة و آلامي مسموعة
كنت الوتر اللي بيعزف لحني و يهوِّن اللي فات
دلوقتي صوتك بقى يقتلني و يسيبني موجوعة