كلمات ياخذني الشوق لـ

يأخذني الطاري ويأخذني الشوق
ويصير مخزون الخلايا طواري

واللّي طواه البين ما عاش مرموق
ولا تجيه الأمنيات اختياري

ماهي بلحية كلّ مطرود ملحوق
البعد قاسي والليالي مساري

ياما سهرة الليل ما غمض الموق
مع هاجسي مابين بايع وشاري

للّي عيونه سود والعنق منتوق
ياما عليه أشفق وأهوجس وأداري

يزهاه عقد الماس والتاج والطوق
سلم بدويّ فاخر وطابع حضاري

شيهانةٍ غنّى لها الحبّ طاروق
تعشق سنا القمرا وجرد الصحاري

ما رأفت بحالٍ من العام مفتوق
وأنا العزيز الّي ما هان انكساري

ماجيتها غرّة ولا جيتها بوق
حشا ولا جتبي هبوب الذواري

أمثّل إنّي شخص ماني بمطفوق
وأعدّي أحلامي ظهور الكباري

لو دون خفّاقي شرايين وعروق
كنّه يعرّض مرهفات الشباري

والجرح لا حوّل على القلب من فوق
يبيّن في حال المعنّى مواري

والوجد لا ربّع ورا كلّ معلوق
نتايجه والله ماني بداري

شيلة ياخذني الشوق – عبدالله ال مخلص
Abdullah Almokhles – Yakhedni Alshoug

المزيد من شيلات عبدالله ال مخلص
جاري الأنتظار
اذكريني
ملامح
يجذبني الزين
بعد الكون