كلمات مليون ياحي لـ

يا مرحبا مليون يا حيّ
يا بهجةً للدّار والحيّ
كم ميّتٍ منك رجع حيّ
وازداد عزم معنويّة

كلّما يذعذع كوس بارد
ياخذني الجوّ لعطارد
شارد ولو ماني بشارد
وأهيم في روحه وجيّه

يحجب ضباب الرّيف تلّه
بين المنيفات المطلّه
وتصير أرضاً مستقلّه
إلهام شعر وشاعريّة

تجلس قبال اللّي تحبّه
مصدر سلا قلبك وطبّه
والغيم إحساسه يصبّه
برذاذ والنّفحة هنيّة

أرتاح لو زوله طرالي
محبوب قلبي لو ببالي
وش عاد لو يجلس قبالي
أكرم عطا وأجمل هديّة

أو صاحباً مضمون صفّه
اللّي يجي ثقلاً وخفّهً
مثل الخريف اللّي تزفّه
أيدي الرّياح الموسميّه

تترقّبه عين الظّفاري
ما يتبع الخطّ المداري
دايم على خلّه يداري
ما يتركه حتّى المنيّه

وظفار درّه في بلادي
كالصّف لو نادى المنادي
تتسابق أكفوف الأيادي
حتّى يحلّون القضيّة

الضّيف فيهم ما تغرّب
والقول منهم ما تسرّب
وإن ينتخو سيفٍ مجرّب
أهل المواقف والحميّه

الجود ينزل من سماها
والخير يطلع من ثراها
والله من فضله حباها
للنّاس وجهة عالميّة

شيلة مليون ياحي – مهند البطحري
Muhannad Al Bathari – Malyoon Ya Hay

المزيد من شيلات مهند البطحري
كرنفال العرس
آمر ولبيه
سيد الخرد
تطري هجوسي
دانة من الدر