كلمات هنا فلسطين

آلاف بتموت برصاص جبان كلب و خسيس
وفر كلام الجبن ليك يابو حملات و قميص
دي بلاد لو منعوا آذان يقوم يأذن القسيس
الناس بتموت و شعوب بتفنى و لسا فيكوا داء تقديس

و تبيعوا دمي تبيعوا اخبار ملايين بغمي
فين الغريب و انا بتقتل من اخويا و ابن عمي
و لو على همي ف ربي عارف شايف و اللي قصادي خايف
لو على ارضي راجعة راجعة يا هايف مهما ف طوب نرمي

سميها مقاومة او ارهاب ل قومك
بس انتم من عرف شعوب معنى الإرهاب برونق
اصرف فلوس و خرب ابني في بيت عدوك ثورة
خوضك حروب لنهاية تجعل واحدة نهاية صوبك

و انت تفضل عدوي الاول دائي
احاربك مهما كنت بدائى
لو مصري سوري او عراقي
فداكي يا بلدي فدائي فدائي

و مهما هتقصف او هتقتل في الاطفال
ارض الزيتون ولادة ولادة ابطال
ممكن نضعف ممكن نبكي ع الاطلال
تفضل سنة شعب احتلالك الضلال
و مهما حاولت ما تعرف تفني الافكار
لو متنا عادي بكرا نيجي جيش ابرار
يقف ف وش الظلم بعد وصول اقصاه
يرجع حق الشهداء و يحرر اقصاه

حتى المدارس خليتوها
أشلاء بواقي شعب مات الناس شالوها
لا سيبتوا اطفالنا تجري تفرح بالحياة و تلعب
ولا سيبتولهم حتى عيشة ظالمة عاشوها

في الجنة طايرة حرة تطير ارواح خفيفة
كلاب الغرب تخلى الناس شايفة و كفيفة
حتى السفاحة تمثل دور سلام عفيفة
ازاي و هي اصلا للكيان حليفة كلاب تزييف ما

ف ظل موتي اخواتي يبيعوا عروض سخيفة
ارضي الشريفة فيها عالم مش شريفة
ربيعي العربي ماشوفتش منك غير خريفك
ساكت عن حقي ف بعتبرك في قتلي شريك فا

الله غالب مهما كان العدل غايب
ف ميكفيش تكونِ مش حابب
يا تعيشها زي كلب الزل تطاطي يا
تموت واقف بتحارب

و مهما تقصف او هتقتل في الاطفال
ارض الزيتون ولادة ولادة ابطال
ممكن نضعف ممكن نبكي ع الاطلال
تفضل سنة شعب احتلالك الضلال
و مهما حاولت ما تعرف تفني الافكار
لو متنا عادي بكرا نيجي جيش ابرار
يقف ف وش الظلم بعد وصول اقصاه
يرجع حق الشهداء و يحرر اقصاه