كلمات بكلم نفسي Bakalm Nafsy
بكلم نفسي كتير
وبصوت عالي ومسموع
واتخيل ناس قدامي
نحكي ونضحك بدموع
واسال نفسي ايه اللي بيجرا
ويوماتي عندي كذه فقرة
هو انا ممكن اكون مجنون
ولا دي حالة بس وفترة
والموضوع زاد حبة ب حبة
دول صحابي ودول احبه
ناس حواليا ومش موجودة
وأنا شكلي استحليت اللعبة
فاتجرأت شوية شوية
وبقيت اقعدهم حواليا
واللي يقولي فضفض مالك
وأما اطلب بيقولي عنيا
وبقيت مبسوط بستناهم
حلوة لذيذة القاعدة معاهم
بعد ما كنت بخاف ف الاول
بستنا صحابهم وياهم
وياهم مبقتش وحيد
وليلاتي عندي في جديد
نفتح 100موضوع في سكوت
لا ونحب نزيد ونعيد
انا قولت احكيلكم وأشوف
عادي ده ولا مش مألوف
بيني وبينكم بعد ده كله
حاسس بردوا بسنة خوف