كلمات اهو دا اللي صار

بتبعد ليه من غير ما تقول
ليه اتغيرت علينا القلوب
مش كنا متعاهدين أننا ندوم
دي نهاية متستوعبهاش العقول

كنت خايف بس اتمني تعود
و ننفذ سوا كل الوعود
كان نفسي نعدي الصعب و نفوت
مكنتش اتمني قصتنا في يوم تموت

كنتي فريدة و انا فاروق
كنتي جميلة مش محتاج اني اقول
كنت عزيزه و دا المطلوب
يارب داوي قلبي المغلوب

شخصياتي أنا حبيتك
بعدتي ليه دا انا كنت بيتك
مفتكرش ولا مره اذيتك
لحد دلوقتي عمري ما مليتك

ف مترميش عليا الملام
كان نفسي اخليكي تكوني المدام
مكانش نفسي يخلص بينا الكلام
تعبان ف هخش انام

لقيتك موجوده ف كل الاحلام
مش مفارقاني حتي ف المنام
و خلاص انقطع بيننا السلام
مش مستوعب الكلام بس انا تمام

مهما هنعيش احنا فيها زوار
مشوفتش جنه جوايا فيش غير نار
وجودي فرحك زي نزول الامطار
كان نفسي تكون دايما بالجوار

و بعد كل الذكريات انتهي بينا المطاف
ان كل واحد يبعد و نكون زي الاغراب
مبقيناش ننفع زمايل ولا حتي أصحاب
ليه في كل مره أنا بس الي اتصاب

فجأة كله اتقفل و اتغير المسار
كل موقف حلو بيننا اتبخر و طار
احلامي معاها طارت كما الغبار
مش لاقي اسباب و اهو دوا اللي صار