كلمات برهوم

بَرْهُومْ يَا نِمِرْ يَا مْكَعَّلْ بَشَرْ
يَا رَاسْ قَاسِي مِثْل الحَجَرْ
يا يا يا يا نَدِيمِي

بَرْهُومْ يَا نِمِرْ يَا مْكَعَّلْ بَشَرْ
يَا رَاسْ قَاسِي مِثْل الحَجَرْ
و جَارِتِ الأيَّامْ وْ انْتَكَسْ بَرْهُومْ
و صَارْ هِلْكَانْ مِنْ كُتْرِ الطَّفَرْ
يَا يا يا يا حَبِيبِي

بَطَّلْ يْقُومْ عَ شَغْلُو بَرْهُومْ
مَرْتُو تْوَعِّي فِيهْ، مَا بَدُّو
الجَّارَه تْوَعِّي فِيهْ، مَا بَدُّو
مَرْتُو تْوَعِّي فِيه، مَا بَدُّو
و الجَّارَه تْوَعِّي فِيه
و تَنْحَرْ بَرْهُومْ
و بَطَّلْ بَدُّو يْقُومْ

كَانْ عَنْدُو مَحَلْ
و صِدْفِه مَنُّو طَارْ
عَ الأكِيدِ فَلْ
مَا مَعُو الآجَارْ

و صَارْ عَايِشْ عَ الدَّيْنْ
مْنَيْنْ بِيْجِيبْ مْنَيْنْ؟

و عَنْدُو مَرْتُو وْ بَيُّو و أَمُّو
وْ وْلاَدُو التَنْتَيْنْ
و تَنْحَرْ بَرْهُومْ
و بَطَّلْ بَدُّو يْقُومْ

بَطَّلْ يْقُومْ عَ شَغْلُو بَرْهُومْ
مَرْتُو تْوَعِّي فِيهْ، مَا بَدُّو
الجَّارَه تْوَعِّي فِيه
تَنْحَرْ بَرْهُومْ
وَ بَطَّلْ بَدُّو يْقُومْ

الصُّبْحْ و عَشِيِّه
قَاعِدْ يَحْضَرْ dish
و بْمَرْتُو يَوْمِيِّه
خَلْقُو عَمْ بَيْفِشْ

صَايِرْ مِتْل المَبْهُولْ
لَبْسُو مَتْل الشَبْشُولْ

يِمْشِي لحَالُو
بيَحْكِي خْيَالُو
طَايْرْ كَالمَخْيُولْ
و تَنْحَرْ بَرْهُومْ
و بَطَّلْ بَدُّو يْقُومْ

بَطَّلْ يْقُومْ عَ شَغْلُو بَرْهُومْ
و مَرْتُو تْوَعِّي فِيه، مَا بَدُّو
الجَّارَة تْوَعِّي فِيه
و تَنْحَرْ بَرْهُومْ
و بَطَّلْ بَدُّو يْقُومْ

انْتَهَى، خُلصْ، يَلَّا