كلمات عفو عام

دنيا نستني مكان الضحكة وين
وماكو موقف يسوى أذكره ابالي
منين أجيب دموع أسد ذيك السنين
الخلصتهن أضحك لقتالي

شبيّ ما جاي أفتهم
من أقرب الناس أنصدم مو من غريب
جرحي أعرفه من الجم
كل جرح بيّ باِسم واحد قريب

أيام تقضي وتبدي أيام
ما أنام خايف من الأحلام
أيام تقضي وتبدي أيام
ما أنام خايف من الأحلام
يومية أسولف همي لليل
يا ليل رايد لي عفو عام

بعد بيّ أمل ترجع ضحكتي وأمسح الدمعة
وفوق الراس خط الشيب وتخيلته خط رجعة
مواسم ناس ها الدنيا بشر ما ينحفظ شكله
ناس ابجلد حية تعيش وجها اليعتق اتبدله

وصلت الحال أعيش إحساس
غريب ويمشي بين الناس
أيام تقضي وتبدي أيام
ما أنام خايف من الأحلام
أيام تقضي وتبدي أيام
ما أنام خايف من الأحلام
ويومية أسولف همي لليل
يا ليل رايد لي عفو عام