كلمات سنة الوعى

سنه جديده بطموحات جديده واحلام للا نهايه..
سنه جديده فيها ناس سابتنى بس فيها ناس لسه معايا..
سنه جديده أجمل من القديمه أكيد بدون جدال..
سنه جديده همشى فيها بمدأ أسمه مش مُحال..
مبدأ أسمه عادى فقدت حاجات كسبت قدامها حاجات..
ما لو ما سبتش كذا ازاى الكذا التانيه هتبقا معاك..
سنه هتقى فى الله وهحاول تانى ابقا معاه..
انا منستش أصلى بس توهت فى الحياه..
وبفوقان عدا الفوقان السنه دى فهمت فيها أشياء..
خليتنى أخد أتفاق أنى أعيش بدون نفاق..
اتعلمت فيها الحب والحب خلانى أنسان..
متستعجلش على الاجابه ده مش زى أى امتحان..
مش معنى أنك فى ضيقه تبقا لوحدك بص للسما..
هتلاقى فوق نجوم مهما حاولت مش هتعدها..
بص كدا حواليك هتحس فعلا انك ليك..
خالق مسبش يوم إيديك مهما كان فيك وفيك..
فووق.. شوف كام موته هو انقذك منها..
لو لقيت هدفك فى الحياه دى دى ساعتها هتفهمها..
لو حسبتها غلط عادى أقف وعيد حساباتك..
بنى أدم خطائين كلهم فليه بتجلد فى ذاتك..
الحكايه مش الوقعه لكن ميعاد الوقوف من تانى..
ف لما تقع عادى أقع وقوم وكمل وقول احلامى..
قول أنا مش هضيعها واسعى يا عبد هيسعى معاك..
سيبك من البنى ادمين ده جنس مخلوق للهلاك ..

فاصل موسيقى
الخالق نفسه هيسندك لحد ما توصل للنهايه..
ولو موصلتش عادى أصل مش هى دى الحكايه..
ما فى ناس وصلت ومكسبتش اصلهم خدوها سبق..
فنسيوا اللى خالقهم والباقى أعجب ب اهل سبأ..
الا خمسه سته من الصالحين فهموا الدنيا الصح..
فهموا ان النجاح بعيد عنه بيبقا بح..
نصيحه منى انا العجمى فوق قبل فوات الآوان..
ملحوظه حياتى مش جنه عشت اكيد لحظات خذلان..
بس فوقت يعنى شويه ومستنتش يفوت الوقت..
بالنسبالى كعجمى السنه دى سنة الوعى..
سنة الحب والحنيه زى ما هى سنة فقد..
ما هو السبب فى عدم العطش اللى قولنا عليه سد..
ما زى فى minus لازم يبقا فى plus..
بس لازم تفضل ثابت مهما كات الدنيا بتتهز..
الدنيا صعبه عادى مين قالك انك مش قدها..
الدنيا دى انتى اللى مالكها مش انت اللى ملكها..
ف لو Plan A فشلت أعمل Plan B وC..
متسمحلهاش تحبطك الاحباط ده سم بطئ..
بيفشلوك فى اول حياتك اوعى تسمع ليهم بس..
يوسف لو متذقش فى الهاويه مكنش هيجى للمعز..
الكلام ده مش محتاج يتسمع ده محتاج يتفهم..
لو فهمت الدنيا صح كل اوجاعك دى هتلتأم..
ف مش هبص بتشاؤم فى حاجات فى حياتى جميله..
فى نعمه مثلا فى حياتى لازم احمده دايما عليها..
زى انه بعتلى منه من عنده تكون هدايتى..
زى انه خلاها بدايتى بعد ما انا كتبت نهايتى..
خلت الحياه بقلوب بعد ما كانت بوجع فقدان..
علمتنى أن الحياه مش سوده بس دى فيها ألوان..
خلاصتها الدنيا هتديك اقل من الى هتحلم بيه..
ف لازم لما تحلم تحلم حلمك وتمسك فيه..
ولو قالتلك يوم لأ مش هتاخد حلمك منى..
أسمع منها دى هتكمل: الا غصب عنى..