كلمات ما عادش فارق

ما عادش فارق
تبقى جنبى او بعيد او حتى نتفارق
كان قلبى صادق
و قلبك انت اللى خلى فيه ما بينا فارق
محسنيش
و كل ما اقوله محتاجلك ميسمعنيش
فمتلومنيش
علشان من غيرك اتعودت اعرف اعيش
كل ما احاول اقرب لك
الاقيك بتبعدنى
كل ما اقول هتتغير الاقيك تعذبنى
بقيت برتاح طول ما انت بعيد واما تقرب
بقيت بشتاق للوقت اللى بتبقى بعيد فيه عنى

كل الحكاية
ان قلبى حبك انت من البداية
كنت بتبيع
بس قلبى كان شاريك للنهاية
مش هموت
من وداع او فراق تعب هوايا
دلوقتى خلاص
ولا عاد وجودك حتى بقى فارق معايا
كل ما احاول اقرب لك
الاقيك بتبعدنى
كل ما اقول هتتغير الاقيك تعذبنى
بقيت برتاح طول ما انت بعيد واما تقرب
بقيت بشتاق للوقت اللى بتبقى بعيد فيه عنى