كلمات تخافي

تِخافي لَوْ .. بطَّلت اَحْكي
او إني اَقَرَّر .. لِوَحْدي اَبكي
تِخافي لَوْ .. عَزَلْت نَفْسي
و بعِدت عنِّك .. قتَلْت قلْبي
اَختار البُعد مَالْقاش الراحة وِسط الفَضْفَضَة
يِبقى الكلام بِالنسبالي خَنْقَة سُودَة و فَرْهَدَة
أو إني أنزِل أشكي ساكِت لِلشَوَارع و البِيوت
ماشي  سارح فِ اللاشيئ .. مِستَني الهُموم تِموت

مَعْرَفش أَعَبَّر .. عَن اللي حاسُّه
حتى معاكي مُش تَمااام
ما تْوَصَّليش .. الوَضع بينا
إني ف هَمي اَختار  أنام

مَعْرَفش أَعَبَّر .. عن اللي حاسُّه
حتى معاكي مُش تَمااام
ما تْوَصَّليش .. الوَضع بينا
إني ف هَمي اَختار  أنام

مع إن حُضنك كان دايماً مَلاذي
و كان دَفاا ، مَهْرَب ، اَمان
ياريتنا نِرْجَع .. زي ماكُنَّا
زي بِدايات حُبِّنا زَمان

نَفس المكان .. بس إختَلَف
كُل المَشاعِر اللي حَسِّيناها
الوَقْت مَوِّت كُل اللي بينَّا
بس الذِكرى انا مُش هَنْساها