كلمات سلام على كل فلسطين (feat. Ahmad Zmaili)

سلام على ارض السلام
اللي ما عرفت طعم السلام
غير ايام عيسى السلام
و عمر لما زارها بيوم
من الايام
سلام على وطن كلو محن
بس بعدو صامد بوجه الزمن
ياما وياما من خاصرتو انطعن
حسرات وويل
ع كم اسير انسجن
سلام على ام الشهيد
اللي لما سمعت خبر ابنها
هاهت و زغرتت
تقول عرس و عيد
و لو رجع الوقت من جديد
رح توهب وحيدها ابن قلبها
فدى لترابك يا وطن
سلام على عمي الختيار
يلي قصفولو الدار
والغارة تركتلو دمار
فيها فقد العيلة
واولاده واحفاده الصغار
سلام ع ستي لما قالت لسيدي
ما بطلع من هون
ايدك بايدي
بنضل لو حتى المحتل
قطع شريانك ووريدي
و ماتو و بعدو الشاهد موجود
و عقبرهم لسة في ريحة بارود
و مكتوب ع الشاهد رح نعود
سلام على كل الاحرار
صغار كبار
أدبا و ثوار
سلام و بوسة بنص جبين
كل واحد همو فلسطين
سلام سلام
ليوم الدين
سلام عليكي يا فلسطين
يا فلسطين
سلام على كل فلسطين
من شمالها لجنوبها
من غربها لشرقها
ع مروجها و سهولها
جبالها و وديانها
سلام عحاراتها و شوارعها
عالزيتون و كروم العنب
و ترابها الاغلى من الذهب
سلام على كل كنيسة و جامع
سلام عالاقصى حمّال المواجع
سلام ع الشهيد و الاسير و المقاوم
عكل شوكة بحلق المحتل الظالم
سلام على كل شبر فيها
سلام من الله ينزل عليها
سلام ع كل فلسطين
سلام على كل فلسطين