كلمات دوامة
دوامة بلف وادور و اتعلم
شايل في قلبي و مش بتكلم
فترة و اعدي جوا مصدي
بخسر نفسي و مش بتآلم
عايش حياتي بكلمة عادي
صدمة في صدمة ولسه انا هادي
عيني تسود و دقني بتطول
عايش في وادي وهما في وادي
ومش بنادي على حد ينقذني
من التفكير انا غلطت في اسمي
عقلي يشت و انام متاخر
بقيت لوحدي خلاص كدة رسمي
…محدش بيسمع
مطفي في وسط نجومهم تلمع
نفسي اجاري اليوم واتعايش
بس ده صعب وكدة مش هينفع
عقلي ده قفل و مش متفاهم
ايه اللي بيحصل انا مش فاهم
بقالي فترة انا بخسر واخسر
كله في كسرت قلبي يساهم
…واخر الليل
في صحراء فكري و مفيش دليل
بفضل اجري و اهرب بنومي
واسند عالحيطة اللي تميل
………………..
انها مبقتش بتفرق خالص
بخسر نفسي و شغفي انا ناقص
شايف حياتي اتهدت فجأة
بنظرة يأس وحسرة انا باصص
…شايف الكل يدوس و يدوس
بايظ في مخي كل التروس
في سباق جري ده كسب الارنب
السلحفاة عمرها ما تفوز
كدبوا علينا و زرعوا اوهام
كل القصة كانت كلام
حاسس بفشل في كل النواحي
عمري ما حققت الاحلام
عايز اختفي عايز ابقى لوحدي
بحارب نفسي في اصعب تحدي
طلعت نفسي اللي بتأذيني
وانا بحربها محدش ضدي
…
بس انا راضي
في كل طريق انا مشيت عالفاضي
يمكن مشكلتي اختياراتي
يعني مجتش على المرادي
سكة و مكتوبلنا نمشيها
كاره الدنيا بكل اللي فيها
هي تعاند ومافيش ساند
انا مبقتش اعرف ارضيها
وانا مين يواسيني
ماشي وطالع ميتيني
والكل ناسيني
والوحدة تسليني
ماشي وبعافر واحاول
حتى مبقتش اجادل *مشقادر*
حياتي مليانة بمشاكل
منطفي بس ربك ساتر