كلمات نسمة الصبح
تهادت نسمة الصبح العليل وخالطت عطرك
وخالط نور وجهك نور شمس الصبح واحياني
بعد ما مت في غيابك حييت اليوم في صدرك
بعثتيني من قبور الخيال اللي تعراني
زعلك اللي على مدري وأنا مدري ومنتظرك
على باب الزمن شايل، صورك وباقي أحزاني
لكني عاذرك يا اللي بدون تقول وش عذرك
(عذرتك حب سامحتك (وأنا المخطي وأنا الجاني
أعذرك كيف ما عذرك وأنا اللي من على خبرك
حملت اللي علشانك ما هو باللي على علشاني
تحملت العذاب اللي عشانه قيل يا صبرك
وأنا صابر عشان اللي مشى في وسط شرياني
أنا كافحت لأجلك ما تعبت وقلت يا عسرك
أحبك وإنت تشوفين، حبك وين وداني
عشقتك كأني أعرفك من أول يوم في عمرك
(هويتك ما انتظرتك لين (تعشقني وتهواني
تنفستك وعشتك وإنت ما تدري ولا تدرك
تجي وتروح في بالي مثل كلمة على لساني
حكم فيني القدر لكن بقى في داخلي قدرك
فنى وقتي وأنا صابر وصمت الوقت أفناني
عقارب ساعتي تاهت وعيا يكتمل بدرك
وغابت شمسك ونورك، طفى ما عاد قداني
وأنا ماني بمتعمد أصد وقاصد هجرك
(ورب البيت ما صديت (متعمد وبالعاني
أنا ما رحت من دونك أنا مريت من عبرك
أنا ما رحت من كيفي أنا الحرمان أخفاني
أنا ما اقفيت من قلك أنا قفيت من كبرك
أنا ما مت من سكته أنا مت بسبب ثاني
تهادت نسمة الصبح
استوديو آسر الفن، آسر الفن