كلمات شجرة عيلتي Shagarit Eilti

في ماما نمور وبابا نمور
وغيرهم ياما أهو
في نمور أخوات صبيان وبنات
وولاد خالتو وعمو

نمور جدات
ونمور أجداد
وأديكو أهو شايفين
لما يكونوا معايا
نتنطط فرحانين

والكل شبهي
في شجرة ايه، شجرة عيلتي
الكل شبهي
في شجرة عيلتي دي

في نمامير شباب
وفي أعمام وخيلان
في أولاد أخوات جدي
وأخوات ستي كمان

في نمامير رفيعين
ونمامير تخان
لأن الكل قرايب
وعيلة من زمان

والكل شبهي
في شجرة ايه، شجرة عيلتي
الكل شبهي
في شجرة عيلتي دي
الكل شبهي
في شجرة عيلتي دي

الجذور الأولى لشجرة العيلة
ترجع لحقبة فيها
أشجع وأقوى نمامير كلنا
بنفتخر بيها

جدودي كسبوا البطولات
وشجعتهم المئات
وجمال أشكالهم عمل تماثيلهم
تتقدر بالألوفات

في نمامير بتحارب، ونمامير بتغامر
في العالم مشهورين
في نمور حكاياتهم سبب شهرتهم
صورهم منشورين

في فرع كمان خد الفن ميدان
وأول القمة فين
ولما في يوم نغني
بنغني بهارموني!

عشان الكل شبهي
في شجرة ايه، شجرة عيلتي
أيوة الكل شبهي
في شجرة عيلتي دي هو هو هو هو هو!

في ماما نمور وبابا نمور
وفي غيرهم عشرات
أعمام وخيلان وأولاد أعمام
وفي كمان جدات

لما في يوم نتقابل وبنبقى
مؤكد فرحانين
ما احنا أكبر، وأحلى، وأنشط، وأشقى
عيلة نمامير، زي ما انتم شايفين!
الكل ينط، زي ما انتم عارفين!
هو هو هو هو!