كلمات لا تشكك لـ

ياوليفي منت عن مغليك محتاجٍ معرّف
وانت عنّي قد عرفت اللّي وراء عوج المحاني

لاتشكّك والعقل قدهو على حبّك مخرّف
نعمة النسيان عن وصلك مايمديها ثواني

وعن غرامك ليه يوم أخجل وأنا فيه أتشرّف
ونفحة من جود حبّك مثل تحقيق الأماني

في غرامك مرةً ينتابني جرم وتطرّف
ومرةً أحساسي ألطف من زهور الأرجواني

سوّ فيني كل ماتبغي ومسموح وتصرّف
وإن قسيت أرفق ترا بالجور ماقصّر زماني

قد طعنّي طعن رمح العود في الحدّ المطرّف
العقيد اللّي يعرفه من تمعنّ في المعاني

انتبه لي ياعيون اللّي على المرقاب شرّف
ولّا أنا أزهل لاتوصّي ياليان الخيزراني

رايفٍ بك مثل ماداري على الصيت المشرّف
في الخفوق وفي العيون وفي الرفاع من الطماني

شيلة لا تشكك – فلاح المسردي
La Teshakek – Falah Al-Masrdi

المزيد من شيلات فلاح المسردي
تجاهلتني
الجواب
شوقي الطاغي
يا مليحة
لا تمدح النفس