كلمات بكبر و اتعلم

بكبر و اتعلم والوقت سبرتو بيطير
برجع من الاول تاني و تالت ماتعدش دا كتير
لكن انت خيالك مغزول عني من غير تبرير
اجمل مما اتخيلني.. انت مرايتي
و عينيك حلوين

بكبر و اتعلم اني اتغيرت مع كل ثبات
و ان الحب بيتروي حنية بالظبط كأنه نبات
و الخوف اللي بحسه يحس براحة اثباتات
اصل الحاجة الحلوة، عندي
بتظهر في الانعكاسات

لسه بتعلم ازاي اكون كتاب مفتوح
سكت كتير و بدأت اتكلم لما بقيت مسموع
ماشيين خطوة خطوة و نريّح حبه عالسطور
ناسين هوسنا بالزمن و الخطة و المسموح

اقوى من الاول رغم التعب رغم الكسور
و بحاول اتصالح مع نفسي لما اكون مجبور
صورتي معاك ورتني صورتي بس عليها زهور
و انك بتحلي اي مكان فيه بتكون موجود

و انا لما بنعزل
و ملاقيش كلام
تنهدات
اوقات سكات
قلبي مات
ولا ايه

بس بلاقيه
تاني فاق
رجع السباق
اتنفس و داق

لما بشوفك
بتبتسم
و انا بتسحل
برجع و ابتسم
و انا بتسحل