كلمات حلوين

حلوين رايقين
و لنفسنا عايشين
و لا فين و لا مين
و لبالنا مشتريين
ياما كان فيه زمان
زحمة و بني ادمين
و خلاص فضينا
السيرة و مرتاحيين

ياما عيشنا التقدير ياما مدينا دراع ، عضيتوه
ياما مشينا كتير و عملنا بالعيش ، و هضمتوه
ياما عملنا الواجب ياما جميل في جميل ، و نكرتوه
فبقينا نريحها و لا اصلا شايفين

طلع مفيش ولا حب ولا بتاع
متعانيش و انت جايبلي صداع
ده انا عيني ليك لكن لو بياع
شيفت ديليت
مبروك ، خانة المهمشين

حلوين رايقين
و لنفسنا عايشين
و لا فين و لا مين
و لبالنا مشتريين
ياما كان فيه زمان
زحمة و بني ادمين
و خلاص فضينا
السيرة و مرتاحيين
ياما عاشرنا في ديابة
في البيع واخدينها مسابقة
ضمنوا وجودنا و غلابة
افتكروا ان احنا هنبقي
عاشوا في دور الأخوية
لو شدة الاقيهم فيها
طلعوا ولا عرفوا اصول
ولا حتي سمعوا عليها

و كان مكتوب اني اعرف نواياكوا
و يادوب ساعتين و هنساكوا
انا ياما حروب كنت انا بدخلها فداكوا
بس خلاص
باي باي ، الحب خسارة معاكوا

حلوين رايقين
و لنفسنا عايشين
و لا فين و لا مين
و لبالنا مشتريين
ياما كان فيه زمان
زحمة و بني ادمين
و خلاص فضينا
السيرة و مرتاحيين