كلمات في عرض بحر

فى عرض بحر لا مفر
يلمح كل ما نظر
الموت محاوطه, صوتها جوا ودنه و افتكر

ربك عادل يابنى صبر
ربك عالم يابنى بحر
ولا قبر, بلاش يا ابني ... قلبي ينفطر

أصل ياما طيرى حر
بس ياما جوعى كفر
يبقى ليا ولا لأ لما أهرب الف عذر

بعدى عنك ياما مر
لكن لو كان ليا الامر
أبعد عنك بس لية و أرمى نفسى فى الخطر

ليل طويل مالهش فجر
عمرى ضايع يبقى ندر
طاقة قدر... يا موتة غدر

بعدى عنك ياما مر
لكن لو كان ليا الامر
أبعد عنك بس لية و أرمى نفسى فى الخطر

فى عرض بحر لا مفر
يلمح كل ما نظر
الموت محاوطه, صوتها جوا ودنه و افتكر

ربك عادل يابنى صبر
ربك عالم يابنى بحر
ولا قبر, بلاش يا ابني ... قلبي ينفطر

قال يهاجر حله لاجل
مال سريع و كسب سهل
حط روحه عالمحك لاجل وهم ده اسمه جهل

هو قضاء ولا قدر
هو بحر ولا انتحر
ولا جايز قلبه ماللى شافه صار حجر

هو قضاء ولا قدر
هو بحر ولا انتحر
ولا جايز قلبه ماللى شافه صار حجر

ارمى نفسك فى الهلاك
عيب زمن و العيب ملاك
نساك, رب هنا هو رب هناك

انا ربيع الغضب
انا المناضل البطل
اللى صار فى لحظة واحده  السبب فى كل اللى حصل

انا اللى ضحى للبلاد
لاجلها كان العشم
شال على كتافه الولاد
و الهدوم غرقانة دم

أنا الغريب من واقع قاسى
غربته هروب مالمآسى
تروح كرامته قل رزقه , و افتكر لو كنت ناسى

انا اللى مات فى ماتش كورة
مات فى سكة ترحال
دافع عمرى لية فاتورة
للجهل و للاهمال

انا اللى مات اخويا و هو رايح المدرسة
و قلت وقت و انسى و الدم عمره ما اتنسى

فقلت امسح دموعى
مش هايجيب حقى الندم
لا فى يوم اتسد جوعى
ولا الحق فى يوم حكم

فى عرض بحر ولا مفر عيشة رغد يا بطن حوت
يا اما تنشغل حياة يا اما تنشغل تموت