كلمات هان عليكى

وحيد في ليل طويل وانا مكتوب عليا السهر
اسرح في سماه ، كما لو كنت رفيق القمر
فكرت ومخي انفجر ، كإن شيطاني عليا حضر
او يا ترى الحاحي عليه ممكن يغير قدر ؟

بتمنى انام وادخل فكومه ، وقعت وقعه ملهاش قومه
زي ما يكون اعتادت القلق ، زي ماتكون الراحه ملعونه
حفرت فقلبي اسمك دفنت روحي جوا جسمك
واخيرا شوفت حقيقتك اديكي خونتي وانا بخلصلك

قصاص مزهقش من اقتفاء اثرك
اتمنى يكون دميه فدولابك ، او حبة رمل ف ارضك
لكنه هان عليكي ، هان عليكي عمره ما يصعب
عماله تصبي كاسات ، تصبي كاسات وهو يشرب

مبكتش يوم على نفسي اكتر ما بكيت عليكي
يا ترى مبسوطه مع غيري ؟ يا ترى نشفت عينيكي ؟
ازاي نسيتي حضني ؟ ازاي تسيبي مطرحك ؟
انا اكتر واحد عارفك عمر غيري ما يفرحك

أتراكَ تَسمعُ ما يُقالُ بأضلُعي؟  أم أنّ قلبي صارَ عندَكَ مستَتِرَا؟
فارحَمْ غريبًا في هَوى عينيكَ مُبتلى ألقى السّهادَ إذا بدا الليلُ مُستَسِرَا

واديني مبقيتش حاجه كله راح مع التيار
يمكن شوفتيني شيطانك علشان كدا رميتيني ف النار
مع ان من يوم ماعرفتك غايتي نفس غايتك
وتفوت سنين كتير وابقى الشرير في روايتك

قصاص مزهقش من اقتفاء اثرك
اتمنى يكون دميه فدولابك ، او حبة رمل ف ارضك
لكنه هان عليكي ، هان عليكي عمره ما يصعب
عماله تصبي كاسات ، تصبي كاسات وهو يشرب