كلمات الجمر والشوك لـ

ياسعيد شدّ الحيل واصمل وأنا أخوك
واصبر مثل صبري على جور دنياي

أدري مرضك أتعبك والناس بكوك
واللي تجيب أقصاك ماجابت أقصاي

تعبان لو تاطا على الجمر والشوك
بلواك والله ماتجي ربع بلواي

تعال دام أن كل مشروك مبروك
شاركتني بلواي شاركني الراي

خلّه يزيد الحمل وجماله بروك
وخلّنا نعيش اليوم لاترقّب الجاي

اللي يجي من فعل الأقدار مبروك
واللي غدت به جعله أفداك وأفداي

الناس لو تملك ملايين وصكوك
في يدينها ماتملك دواك ودواي

إذا ماحصلت المضرة ماسروك
بشر ضعيفة كأنّها إيّاك وإيّاي

خلّهم يشوفونا على مزح وضحوك
وش نستفيد أن سمعو بكاك وأبكاي

أمّك إلى منها رضت عنك وأبوك
باقي البشر ماهما رضاك ورضاي

أهم شي المعنوية وأنا أخوك
وباقي الدعاوي جعلها أفداك وأفداي

شيلة الجمر والشوك – صالح ال مانعه
Saleh Bin Man3h | Aljamr Wa Alshok

المزيد من شيلات صالح ال مانعه
ابن رملي
تسعة رموز
انوح عامين
دار البطولة
القفر البعيد