كلمات أصعب إحساس Asaab Ehsas
في الوداع أصعب الإحساس وصف الشعور
ينطوي تحت دربك سمح جرح كبير
في الوداع اعذرك لو شفت منك القصور
وش يفيد المعاتب في لقانا الأخير
ابتسم واللّه اعلم باللي وسط الصدور
اتظاهر بخير ومنك ماني بخير
واللّه اني على فرقاك ماني جسور
لكن افراقك أهون من عذاب الضمير
كنت لأجلك على كثر المواجع صبور
عذري اني معك نفس الهوى والمصير
في الوداع اعذرك لو شفت منك القصور
وش يفيد المعاتب في لقانا الأخير
لو تخاف الظلام اهديك في النور نور
وما تحبه يصير بوقت صعب يصير
لا جرحت الوفا وش ذنب قلب الغيور
لو تشح السحايب لا تلوم الغدير
ما بقى الا الوداع وجرح صدق الشعور
الله يسمح دروبك على كل خير
في الوداع اعذرك لو شفت منك القصور
وش يفيد المعاتب في لقانا الأخير