كلمات كلام كتير

وسّع يا عمّ إنت وهو
خلّينا نقول اللّي في قلبنا
أنا من زمان مكانش نفسي أعيش كده
بس الحياة هي اللّي خلّيتني كده
ومن زمان عايش بعافر في الحياة
أجيبها كده تجيلي كده
وكأنّ كل القسوة والأحزان
خلاص بقت عليّا متعوّدة

إتكلّمنا كلام كتير قولتي ياما كلام كتير
ياما قولنا ياما قولتي
قولتلي قولتي وإحنا قولنا
وهمّا قالوا كلّه قال والكلام عمّال يتقال
والكلام رايح شمال والعيال
النّص كم الكم تك تك دوم
والأهمّ في المهمّ واللّي هامّه همّ عمّو
والحياة بتلفّ لفّ

الكلّ بالحال مش راضي
متبطّرين عالدّنيا دي
ميفهموش ولا يعرفوش
إنّ التّعب ده عالفاضي
عيشتنا حتّى كرهناها
مش كلّ حاجة بنرضاها
بقى مش عاجبنا أبداً نصيبنا
والكلّ عايش في متاهة

بقينا نغنّي دار يا دار راحوا فين حبايب الدّار
الحبايب مش كتار الحبايب مش كتار
حياتنا ليه بقت انتظار قومنا نخلّص الحوار

الكلّ ليه باصص فوقه
عايز الحياة كده على ذوقه
مش عاجبه حاله عايش بداله
طب مالمرار كده هيدوقه
مرضتش ليه يابني بحالك
عايز تغيّر أحوالك
طب بكرة تعرف من الدّنيا تفهم
إنّ الحياة مش دايمة لك

بس أنا عندي استفسار
ليه الحلّاق قلبوه جزّار
والقهوة قلبوها بار وأحمد بيه قلبوه إنتصار
ده إحنا لو زمن الكفّار كنّا نوفّي حقّ الجار
بقينا أوحش من التّتار بقينا أوحش من التّتار
طار طار عقلنا طار عقلنا طار

اغنية كلام كتير – احمد سعد
Lyrics Kalam Keteyr – Ahmed Saad

المزيد من أغاني أحمد سعد