كلمات فرق توقيت

ايام بتمر وتمرر في حلقي مرارة الصبار
قفلت ضلوعي ع قلبي ما عاد فيه طاقه للـ زوار
ما عاد في النية اي سماح رب العباد هو الغفار
ويكفي ان انتي منحوته ومن صنع كفوف العطار

V¹
ياليل خايف من الايام وكل ما اطل في مرايتي
بشوف في عينيا طفل بريء ومتسلسل شيطان جنبي
ما بيني وبينها انا مسافات وذكرى معلمه في قلبي
ويجي الليل حاجات تتعاد تزيد ياما في الآلآم جرحي

وانام واصحي في مخي حروب عشان انا عني مش راضي
واصبر نفسي انا بـ وصول لكني وصلت على الفاضي
واغمض جفني يامايا لكن والله ما متراضي
وبنبش في الوجع عني واواجهة وحدي انا الماضي

واتوه واسرح مع الدخان فـ تتجسد امام عيني
وبرجع كل ليل خسران وأفكاري بتأذيني
وبتعلق وانا عشمان في خلق غاوية تطفيني
وايامي بتتكرر ودنيا في شر تغويني

مفيش ياما قانون للحرب مفيش اسباب تقويني
وكل ما افوق انا من الضرب بلاقي الهم يلهيني
شكيت ياما من الخذلان سبقتي الناس وسبتيني
وبتوسل امام عينك فكان ردك تسميني

C¹
حقيقي ياما فاض بيا
وخيري اترد بـ آذيه
سعيت ابني حيطان الناس
فهدوا الدنيا حواليا
اتقال عني العوض والصبر
ورجعت وحيد في لياليا
ووقت دراعي كان مبتور
تبت بعزم ما فيا

سجين في سجن انا سجانه
وديتي ياما بالمجان
يتيم قادوا الحريق جواه
واتحاوط بجدار الاحزان
كبرت وصرت كهل كئيب
مع اني لسه من الفتيان
ياليلي تعبت من اللي انا فيه
يارب ارزقني بالنسيان

V²
وزارني الموت في احبابي سلبني كل شيء باقي
وغربه تفرق الغاليين واحاوط وحدي انا عذابي
في عز ما كنت مدي امان صابت قلبي بـ عيار ناري
وكانت رافضه نتفارق واديها سعيدة في غيابي

واسقط خلق حواليا يعز عليا اقول كانوا
حرام تتكاتفوا ع انسان غرق ياما في احزانه
طريق بيضيق ويتقفل ويفقد قلبي سكانه
ازاي يامايا شخص يعيش بيتنافس ع مكانه

واكر خيوطي من عمري وخطاوي الليل مرفقاني
وكل ما اسابق الدنيا الاقي الدنيا سبقاني
حاولت اسكر عشان انسى فـ شوفتك وانتي بيعاني
وقالوا البعد بيقسي لكن في البعد وحشاني

ويكفي عليا انا مفارق وسبت في الأراضي تراث
ووقت ما " هي " فارقتني سابت لي ياما حزن ميراث
في عز ما بيتها كان مهجور ظهرت ليها كنت اثاث
عبيط يمكن عشان فكرت هتتغير بقى الأحداث

C²
زرعت عشانها ياما ورود جراح بالكوم وانا مربوط
في ساقية تدور ووقتي يمر وقلبي بيحتضر ويموت
حصدت شكوك وغدر وذل وسهم بالمقاس مظبوط
رشق جوايا واتبخر ترك في الليل بكى مفقود

حاولت اصلح جدار مهدود فـ توهت في زحمة المواعيد
سقيت الحزن بدموعي حصدت في وشي انا تجاعيد
راهنت بكل ما فيا فـ شوفت للآذي تمهيد
واديها عينيها في عينيا لكن فيه فرق في التوقيت