كلمات ياريت

[Verse 1 ]
ياريت لو كنت عني بعيد تفتكرني
لو حتى ثانية من وقتك تطمني
في بعدك عني عمري بعيشه عالفاضي
و قلبي من اشتياقه ليك بيإلمني

[Pre - Verse ]
بلاش تبعد عشان حضنك بيوحشني
ده مش ذمبي انك انت عليه معودني
و صورتك كل ليلة تبات في احضاني
بشوفها في حتى أحلامي ما بتسيبني

[Chorus]
و كتير ياخدني حنين اروح لمكان جمعنا زمان
و بقول يمكن هيجي و هاخده في حضني من تاني
و ساعات بكلم نفسي و شوقي عليا ليك بيبان
و في خيالي صورتك تيجي دايما مش مفارقاني
ازاي عايزني في بعدك اقدر اعيش و قلبي معاك
دي حياتي لوحدي من غيرك معايا تاعباني
و ليالي كتير بنده عليك و اتمنى لو ألقاك
و بصبر نفسي لكن بلقى دموعي سابقاني .

[Verse 2 ]
في كل مكان جمعنا ذكرى عيشناها
و ليه بتسيبني اعيش أشواقي وياها
ولا عمري نسيت ايام ما كنت معاك
و فاكر كل كلمة ما بينا قولناها

[Pre-Verse 2]
و لو عيني في يوم صدفة تكون شايفاك
ساعتها يمكن اهدا و قلبي يطمن
و اشوف عينك بتضحكي و انا وياك
و قلبي من السعادة الدنيا يملاها