كلمات مبدئياً

‏مبدئيًا أنت مش معايا ولا في حياتي
نهائيًا شلت اسمك من كل حساباتي
أنت حاجة كانت كانت
عِشرة عليّا وهانت
مسرحية عشت فيها وانكشفت وبانت

عاطفيًا أنت للمشاعر كنت خاين
إنسانيًا أنت حد تاني مكنش باين
حد معرفوش يا ساتر، ميحبش غير نفسه شاطر
يا بياع الوهم افهم، أنا غير الزباين

طب يلا روح روح روح روح روح روحي
ملت من الجروح
يا قلبي بيع بيع بيع بيع بيع بيعه
اللي بان غدره بوضوح

نهائيًا مش معايا ولا في حياتي

منطقيًا فترة وهتعب، تتلخبط حياتي
تلقائيًا هبدأ أنسى وأمحي ذكرياتي
والأيام الصعبة راحت
والأوجاع طابت وارتاحت
قربت مشاعري تهدأ وداويت آهاتي

تدريجيًا مش هحسك، هتكون شخص عادي
ظاهريًا باين أقوى، لكن ضعيف قصادي

مش فارق مين فينا فايز
أنا خسران أو أنت جايز
يلا روح وعيش حياتك
مش عاوزك قصادي

نهائيًا مش معايا ولا في حياتي