كلمات ع الهامش

و بلف و مهما بلف انا برجع تاني لنفس النقطة
جربت اطير لكن جناحاتي عليها قيود
ففضلت بعيش مستني الفرصة تيجيلي ف لقطة
انا عندي هواجس اني خلاص مابقاش لي وجود
.
كلماتي ع الهامش .. و رسايلي ميوت
انا عايش يومي بحاول اتعايش قبل ماموت
ادواري ثانوية .. مالهاش تأثير
و كلامي مهما بقوله مابيغيرش كتير
.
.
يمكن مش ليا , يمكن دا نصيبي
ان الاحلام اللي رسمتها اخبيها ف جيبي
بطلت احاول , قررت اسلم
ايه يعني اتغير لما انا قومت حاولت اتكلم
.
كلماتي ع الهامش .. و رسايلي ميوت
انا عايش يومي بحاول اتعايش قبل ماموت
ادوار ثانوية .. مالهاش تأثير
و كلامي مهما بقوله مابيغيرش كتير