كلمات هي Heya

هي إلي بتئذيني
‎هي إلي كل مره تجيلي
‎صوتها فدماغي مش بيطلع
‎هي إلي بغنيلها ومش بتسمع

‎وعلى أحوالها مبقتش بسالها
‎كل إجابة فيا بتحرق
‎ولو على صورنا بطلت اشوفها
‎كل بصه فيا بتكسر

‎و جابتني
‎بكلامها
‎وفهمتني
‎هنفضل سوا
‎وسابتني
‎مع دماغي
‎وعلى سريري بتخليني ققول

‎طب العيب مني ؟
‎طب العيب فشكلي ؟
‎كان في حاجه أعملها ؟
‎ولا دا كان اخري ؟

‎هو آنتي حبيتي ولا بتتسلي
‎ولا كنتي فاكره إني هنسى واعدي
‎انا لو حبيت ف محبتش قدك
‎ودا مش ضعف مني بس دي مشاعري

‎بلمم الي رميتو على الارض
‎رفض فحياتي كان عليا فرض
‎عيبي إني طيب بتعشم في الماضي
‎مش عاوز يروح كل دا عالفاضي

‎مش عاوز استوعب إنك آنتي سبتيني
‎إن حد غيري هيجي يمسك ايدك
‎طب هتحني لمين لو مش هتحنيلي
‎هتحبي مين لو مش هتحبيني

‎بهرب للنوم عاوز أشوفك تآني
‎بخاصم القهوة بتخليني اواجه
‎حقيقية إنك مبقتيش ليا
‎بفضل اسأل العيب فيكي ولا فيا

‎قافل على نفسي مش على عقلي
‎حرق فكل جسمي مش بس على قلبي
‎مش عاوز انسى ومش عاوز اتعايش
‎بلاها عيشه لو هي مش معايا

‎النار فيا ماسكه
‎الزعل بقا مسكن
‎قلبي وعقلي في صراع
‎محدش فيهم راضي يكسب

‎معلش يا عيني
‎إني بكيتك
‎واسف يا قلبي
‎الجرح كبير مش بينسي