كلمات واقع

واقع فيك وده واقع
بس انت في حالك وانا في حالي
مرَّة حلوة ومرَّة مُرَّة
مش مفهوم بالنسبالي
واقع فيك وده واقع
بس انت في حالك وانا في حالي
مرَّة حلوة ومرَّة مُرَّة
مش مفهوم بالنسبالي

هادي وجوايا امواج تناطح
وياريتني دايق المر بس انا دايقه في بحر مالح
تزعلني وأنا اللي أصالح
تبعدني بوش كالح
رغم انك زيي واكتر واقع
وده واقع
كلمة قتلتني مش طالعة
الصوت مبحوح ولا مش سامع
قبطان وسفينته مش ماشية
والاعصار جي مش راجع
وهربت منك لقيتني جيت
كل مسار بيقربني ليك
ما كانش في ايدي اني هويت
او اني اشتاق امسك ايديك
طب سامع غنايا ومطنش؟
ولا صوتي مش واصل ومغبش
فين القاضي دي ضربة قاضية
انك تنساني واتهمش

واقع فيك وده واقع
بس انت في حالك وانا في حالي
مرَّة حلوة ومرَّة مُرَّة
مش مفهوم بالنسبالي

مش ذنبي ان صوتي بيكيفك

وقعتُ فيك كأنَّني وهبتُ نفسي لآدمي
جرحتُ والجرح أضحكني فـ منك شيء تركتلي
ثلج انت والنار فيي اشعر اني انتهي
والوهم في عقلي مهربي من واقع فيه لست لي
فحلَّفتك كيف الكبرياء مع حاءٍ وباء
كيفَ الليل يا قبطان وفوقك تبكي سمائي

واقع فيك وده واقع
بس انت في حالك وانا في حالي
مرَّة حلوة ومرَّة مُرَّة
مش مفهوم بالنسبالي
واقع فيك وده واقع
بس انت في حالك وانا في حالي
مرَّة حلوة ومرَّة مُرَّة
مش مفهوم بالنسبالي