كلمات يكفيني
قلبي معبى ع الماضي وانا اليوم جيت نحكيلك
يا حسرة ع العشرة والي غدرني ربي وكيلك
ياحسرة على اللمة قبل ويا حسرة على جيلك
وياحسرة على خالتي شريفة متوحش خبزة من طجينك
محلاها الدنيا قبل كي كنا اصحاب وجيران في الحومة كيف تصب المطر نتخبو كي الفيران
يا حسرة على ريحت الحومة وياحسرة على زمان وياحسرة كي كانت البركة والفرحة الناس وخيان
مادامني عندي برشا كلام نحكيه مانيش ساكت رضايتك ياربي والرحمة للناس الي ماتت
هاذي بوان ومواصل وحتا ولو العروق شاحت وكان جات الدنيا دايمة راني انا اغنى واحد
ديما نرجع باللوم على الدنيا الغدارة بلاد الحضارة العيشة فيها مرارة وزيد خسارة والزوالي بايت في الشارع واليهود في الحارة وانا
للحوت نطول في الصنارة وباش نخلي أمارة
هذاكا علاش قاهرني الماضي ويا حسرة على زمان اليوم محروق كيما حرق صدام الامريكان
اليوم امنيتي نموت كيفو الشهيد مانيش جبان وبرشا حب من تونس لرجال غزة والي حبو صدام ..
عمري مانسب بلادي حتا كان
في نهار حقرتني ديما راجل بين اندادي حرة الي ربتني
نتحسر على الماضي وعلى الحومة الي جابتني
جرحي خلى في ليعة نهار الي مات صاحبي وفارقني
صاحبي نتمنى اليوم ترجعلي راني والله عييت صاحبي اليوم حياتي ظلمة
عايش بلى بيك صاحبي اليوم ملاين
سمعوني غنيت عليك حسو بيك
وبكاو عليك وزادو كملو رحمو عليك
(يكفيني يكفيني يادنيا يكفيني ..يزيني يزيني ياقلبي يزيني ...طفيني طفيني كالجمرة طفيني
واخطيني خليني شارد وحدي ساهر ليلي )
صاحبي اليوم الدنيا ظلمة اليوم عايش بلا بيييك