كلمات راجعة

فاكرة زمان .. فاكرة زمان من كام سنة
آخر مقابلة .. حذرت م اللي جايبك هنا
وانتي ساعتها .. ضحكتي ضحكة سخرية
مافهمتنيش .. كنتي بايعة مستغنية

سألت عنك .. قالولي عايشة حياتها عادي
واللي منك .. عارفك بتنهاري ع الهادي
بطيئة عارفك .. مانكرش خدتي سنين كتير
هو طبعك .. متعودة ع التأخير

مسحتي رقمي وكل صوري من موبايلك
طلبتي مني أرجعلك كل صورك
غيرتي لبسك ولون شعرك حتى رقمك

لكن نسيتي ترجعي قلبي اللي عندك

وعشان عارف كل دي شكليات
نفذت كل اللي عايزاه من سكات
من إمتى وإحنا بننسى غالي لينا مات

واديكي راجعة تفتحي في الذكريات
---------------
فاكرة زمان .. أنا قد إيه وقفت جنبك
وانتي عمرك .. ولا مرة يوم كلفتي خاطرك
تفهميني .. رغم إني دايما كنت فاهمك
فكريني .. من إمتى همي كان يهمك

مش ناسيلك .. يوم ما جيتي تودعيني
مسكت إيدك .. ليه سحبتيها اترجتيني
عشان أسيبك .. ساعتها سيبتك وعلى عيني
مش لاقيلك .. عندي حاجة تزيد حنيني

مسحتي رقمي وكل صوري من موبايلك
طلبتي مني أرجعلك كل صورك
غيرتي لبسك ولون شعرك حتى رقمك

لكن نسيتي ترجعي قلبي اللي عندك

وعشان عارف كل دي شكليات
نفذت كل اللي عايزاه من سكات
من إمتى وإحنا بننسى غالي لينا مات

واديكي راجعة تفتحي في الذكريات