كلمات كعب داير

لفيت الدنيا كعب داير
عاشرت أسوأ الضماير
لا شوفت فيها حد سالك
لا شوفت فيها غير خساير
عملت خير اترد شره
حياتي باب والكل مروا
ظروفي كانوا مهمشينها
وجرحي للغريب يعروا
أخدت إيدي قومت ساند
عليا مهتمتش مين
معايا لما أكون فى ضيقه
معايا لما أكون حزين
مشيت ورامي ناس ورايا
أقل من يبقوا معايا
بطولي أحسن من وجودهم
ومن هنا كانت البدايه
بطولي ناجح
وده البطولي
ان حلمي
بحققهولي
عملت اسم صيته عالي
عليا الكل يشهدولي
طريقي بالورد اتفرشلي
نجاحي لما أموت يعيشلي
عشان مفيش مره فى حياتي
ع الشماعات علقت فشلي
دلوقتي طايل السحابه
وقدوه للناس الغلابه
يحاولوا غيري يقلدوني
أنجح زياده م أنا بابا
لوحدي قافش الكاريزما
ورابط النجاح بحزمه
بظهر أنور أي حته
وفى الدماغ عملت أزمه
أخدت خبره من ماضيا
علام كتير فتح عينيا
مكنش سهل يعدي عادي
مكتش سهله الفتره ديا
فروق قدرت
بيها تاني
أقع وأقوم
مهما أعاني
طريقي كان الناس فيه خطوه
لكن ده كله كان عشاني
بطولي ناجح
وده البطولي
ان حلمي
بحققهولي
عملت اسم صيته عالي
عليا الكل يشهدولي
طريقي بالورد اتفرشلي
نجاحي لما أموت يعيشلي
عشان مفيش مره فى حياتي
ع الشماعات علقت فشلي