كلمات اجر صوتي لـ

واعيني اللي جفاها النوم
بأسباب غِرٍّ شغل بالي

صدري بعد غيبته مكتوم
ومشاعري ما لها والي

وا شيب عيني عليه اليوم
ومن صَدّته يا بري حالي

وجدي على خصره المقسوم
وشفايفٍ ريقها حالي

ومتنٍ عليه الشعر مردوم
يحُطّ الأوّل على التالي

وصدرٍ ليا مِن مشى مزموم
كِنّه عن القاع متعالي

راح وترك لي بعده اللوم
وخَلّاني أجُرّ مَوّالي

أجُرّ صوتي بحُبّه دوم
وأضرب فجوج الخلا الخالي

وإليا تعب بالي المهموم
أرقبت بالمرقب العالي

يا الله يا حَيّ يا قَيّوم
يعود وأشوفه قبالي

يا كثر ما له بصدري علوم
وسوالفٍ تشرح أحوالي

غلاه عندي ما هو للسوم
غالي وإذا ما رجع غالي

شيلة اجر صوتي – ماجد الرسلاني
Ajer Sawti – Majed Al Raslani

المزيد من أغاني ماجد الرسلاني
شكراً على الجرح
يالله بغيث
بهجر عينك
تبسمي
لعيون الزعيم