كلمات شوقي الطاغي

اللّيلة همومي على القلب طابور
والضّيق زايد والاوادم نيّامي

فالصّدر مغترّه وفالرّاس جمهور
طاروق بين العازمي والزّلامي

والنّوم كنّه يعبر الجفن بفتور
والعين فيها ميسم السّهر حامي

تقول في قلبي من الهمّ ساطور
يضرب عروق القلب والضّرب دامي

إلي ثلاث سنين وأربع من شهور
ليل الفرح عيا يوافق نظامي

أتصنّع الضّحكة ولاني بمسرور
زادت تفاكيري وزادن آلامي

اغتيلت الفرحة وزاد القهر جور
وانذبحت أحلامي بسنّ الفطامي

لا شيخ عالجني ولا طبّ دكتور
والنّاس ما تدري وشنهو علامي

لولا ذكر ربّي ليا عتم النّور
يمدي مع الأيّام صرت انهزامي

والغايب اللّي راح ما هو بمعذور
ما يدري إنّ الشّوق سبب هيامي؟

في غيبته حزني مشيّدله قصور
في قلبي اللّي ما يعرف السّلامي

روّح وأنا صاير من الحزن مكسور
الكسرة اللّي وقعت في العظامي

ما عاد حزني يا حبيبي بمستور
خايف من الدّمعة تنزّل مقامي

من شوقي الطّاغي بدون أيّت شعور
لا وحيت طاريها نسيت الأسامي

الصّدر ناعم والخصر حيل مضمور
والرّمش حدّه حدّ سيفن حسامي

العنق فارع والشّعر دوم منثور
والرّيح ريح المسك ورد وخزامي

يا كيف أبنسى يا عرب غادة الحور
أنشهد أنّ الهجر سبب حطامي

من يوم شفته فاللّقاء شبه مجبور
حسّيت بوداعه ومسك الختامي

ماجور يا قلبي من الحزن ماجور
ما جاب درب الحبّ كود المضامي

بتصنّع النّسيان وبلعب الدّور
لو أنّ هالنّسيان شبه انعدامي

شيلة شوقي الطاغي
Al Waleed Al Amer | Shwqi Al Thaqi

المزيد من شيلات الوليد ال عامر
طيف الخيال
ملك عمري
عشاق الهوى
الذكريات
وصاله دواي