كلمات المره الأخيره
كل يوم بشوفك ليه في أحلامي؟
ليه ساكت وبتكلم في الاغاني ؟
كل ما اتسحل برجع اسأل نفسي تاني
عايزاني ولا لسه مش عايزاني ؟
سايب احوالي عشان افهم الرساله
الصوت مش واصل عشان لامس السحابه
بسأل عليها ومش مستني الإجابه
مش سايبه بالي وبتسألني ايه اللي جابك ؟
واللي انت مستنيه لا مش هقوله
كلامي مش مستعجل علي وصوله
كانوا شهرين بس سابوا فيا الأثر
مش نفس السما بس غالباً نفس المطر
نسيتيني نفسي في يوم
كنا لوحدينا تحت إضائة التلفيزيون
مرمي فيكي أكني معلم نفسي العوم
ليه تغرقيني انتي بترميني عكس الموج
في الأوضه لحالي
مش بتعاني بعدي ليه ؟
انا كنت معاكي مش هاممني الباقي فين
بتغيبي وتيجي ومش عارف شايلالي ايه
نفس الحيطان فـ بالتالي نفس البيت
رجعتيني لحد الصفر من أيام
مكانش بمزاجي انا اتجبرت ع النسيان
لو كنت عارف ان دي المره الأخيره
مكنتش مشيتك وانتي في ايدك الزخيره
مهما بتقولي مفيش حاجه ليه مقنعه
وشي الحقيقي متداري وسط الأقنعه
فاكر الموقف يومها اتغير شئ اكيد
مش ده المخدر بس لسه نفس الوريد
نسيتيني نفسي في يوم
كنا لوحدينا تحت إضائة التلفيزيون
مرمي فيكي أكني معلم نفسي العوم
ليه تغرقيني انتي بترميني عكس الموج