كلمات غيرت عليها
غيرت عليها مانفعش ماغيرتش بردو مانفعش
و بايخ لو سالت كتير و بارد لما ماسألش
و بلاش تعرف بنات غيري ياريتك كنت يوم لعبي
بحبك و انت متنرفز و مش عايزاك تكون عصبي
بتقلب مودها في ساعتها لكن ماقدرش ازعلها
جنانها سر حلاوتها بكل صفاتها بقبلها
دي عايزاني اقول سو كيوت و عايزاني اقول ويك اب
و عايزاني اكون عارف جميع ماركاتها في الميك اب
دي بتفضل ساعة في المطبخ و ممنوع ادخل اساعدها
و تدايق عشان قاعد قصاد الماتش و سايبها
بتقلب مودها في ساعتها لكن ماقدرش ازعلها
جنانها سر حلاوتها بكل صفاتها بقبلها
و اكون ماشي في صلاح سالم تعدي واحدة تلمحني
تقول عاجباك اوي الهانم اتفضل يلا روحني
دي بتمشي بسرعة في الشارع كأن عملتلي عملة
و لما تشوفني مستعجل بتمشي بسرعة النملة
بتقلب مودها في ساعتها لكن ماقدرش ازعلها
جنانها سر حلاوتها بكل صفاتها بقبلها