كلمات عينكم رصاص

بعدين معاك يازمن لقيم وغشيم مع الجدعان
انا كل مااتعامل بحب مش بلقا لي سلكان
قلبي أتوجع علشان جدع لوصونت انا بتخان
دي صحاب كلاب جدعان ياعم لاكن مع النسوان
……..
قولو عليا
واحكو عني غيرو بقا مني
اشتمو وهيوصلي
اتكلمو بقا في ضهري
وفي وشي كلو تمام
……
يالي الرجوله
عندكم مابتجيش خالص
اجدع واحد فيكو ناقص
من معرفتكم فاكس
مش هتجبوني قدام
……
عنكم رصاص اهدو خلاص انا مش وارث دولارات
انا كل يوم في جلب وفي مطردات مع الظباط
قولتو عليا ديلر ودارت بص مع ارشاد
قالو كل يوم جيلو مليون بيخلص الصفقات
……..
هفضل كبوس حياتكو
هفضل انا شغيلكو
أنا عو ليكو مش هسيبكو
قولو تاني ياما عليا قولو كمان وكمان
…….
بظهر بتختفو
ومش بشوف فيكو واحد
اصلي عليكم هتجاحد
انتو عليكم راحت
عشان انتو مش جدعان
…….
انا لسه سابت اصل السبات في بطقتي انا مسبوت
مش زأيك انت عامل معلم وفي الحقيقه هلفوت
انا كلو عارف مبداي أنا مبدأي مظبوط
لو جيت في جس هقطعك وفي ياهلس هشوط
………
انا اسمي قد دوله
ايوه اسمي حصانه
انا في البلد دي علامه
معروف وواخد وضعي والكل يشهدلي
……
ابطال كتير
بيجو عندي وبيرجعو
علشان هيتقطعو
مين يكرف انا اسمعو
انا مين يحددلي
…….
السجن واخد مني اخويااا انا نفسي يرجعلي
وحشني جدا ياابن ابويا قلبي بيوجعني
انده ياقاضي برائه خالي اخوياا يطلعلي
نفسي يكون برا معايه نفسي يكون جنبي
……
جوه السجون اسود
يارب فك الديقه
الحبسه والله خنيقه
انا اخويااا حر ونفسي يطلع تاني ياسجان
…….
هون ياقاضي
ع الي جوه اصلو وحشني
والسجن عنو حيشني
اصل الزعل دا قفشني
والفرح مالو مكان