كلمات احنا البلد

احنا البلد عزّه وسند
لو على العدد متعدناش
سالكين لبعض بنحبّ بعض
وفي ضهر بعض وماجليناش

اتقل تقال والصحّة عال
واقفين جبال مين هزّنا
المعلمه متكلّمه
ربّ السما بيحبّنا

اسأل علينا الناس تقولك مظبوطين
عمّام بلدنا وشرق غرب مسمّعين
لينا هيبه في حضورنا وغيابنا مسيطرين
متصيّطين وفي كلّ منطقه محبوبين

لمّا الأسود يظهرو
العوله يتبخّروا
دي رسالة للّي ناسينا
وأهو بينا بنفكّرو
حبّة اسامى ع الورق
وبقولكم ع الملأ
فوقو كارتنا الكسبان
أمّا إنتو كارت اتحرق

رجولتنا كيف كلمتنا سيف
في بلدنا ضيف على الراس نشيلو
شوفنا الغريب قبل القريب
إحنا الحبيب لو فين نجيلو

متميّزين مش شفّافين
دا تاريخ سنين يا ولاد يومين
مين فيكو كان معروف زمان
يا بتوع الآن هتروحو فين

أدخل على الفيس بوك وخد صورتي اسكرين
أهي تنفعك برضو في حوار ولّا في كمين
لو حدّ يوم سألك وقال تقرب لمين
اديني رنّه وسيبها بس على المعين

مين في البلد قدّنا
علشان يحدّد لنا
دا في ناس يا عمّ الناس
بتمشي على حسّنا
دي الجدعنه في دمّنا
ومشرّفين نفسنا
متصيّطين بأصول
والكلّ يشهد لنا

اغنية احنا البلد