كلمات سطرين
شفت سنتين كاطع كلش عادي
من تراك دوشيش محد كده وصل يا اخي
سهلة امسح البروجكت و اعيدة من الاول
لكن وين يادوب الكاك اكثر مني مطول
انت تخاف من البعبع الى متى تبقى تشيل
و احنة نخوف بابا يكر بسيرة احمد نبيل
كثرة حجي مايفيدك سين و جيم
من رخصة زورو محطوف لو تطلعلك خياشيم
سهلة اسيطر علحن
تصوب عادي لكن صعبة انه بيوم اندفن
ادري ماكو احم دستور ماكو خصوصية
سرعتي بسرعة بارق بنادي الفروسية
عادي بدون ورد بلي بدون دبل مينينك
شكلك انداسيت اكثر من كيبورد كيمنك
كلت انك الساهر استحمل وجع العين
اهنيك صرت ليلى حافي القدمين
زحف على الحن بين من اسلوبة
سطرين جذب كام يصفط ياخي دوبة
واضح انه داري ستايلاتة معيوبة
ها شفت منو طلع بينة السهل
ها شف تمنو بينة كول و فعل
ها شفت بعدني مرخيلك الحبل
عادي سوي بيك مثل ما سويت قبل
كايلك صعب تحزر شنو بجيب الحاوي
دور احد يكتب عنك بطل تفشخ زعبلاوي
حسابك ويا ربك من يومك تحت القبر
واضح كمت تنزف اكثر من ما طبر
مجرد سبحة بيدي اطلعها من الجيب
ختمت كلشي ممكن بمثابة ستي بيب
شكلك ربيت كلاب من هيج بعدو عنك
ستايل الثوري ستايل الكانك ابد ما لايكلك
هواية بيك حتا كم ساعة طايفة بيومي
ممكن اكتب عنك سهلة قبل نومي
خزيتنة بسايفر عادي مو جديدة عليك هومي
متوقعت بيك نعومة اكثر من نيومي
ما تستحمل عادي كلي نرست العداد
كروب تافه صدك اكثر من مسارح بغداد
دنك راسة يوم شافني فايت من كدامة
يا طري اصيد الطير لو فاتن حمامة
زحف على الحن بين من اسلوبة
سطرين جذب كام يصفط ياخي دوبة
واضح انه داري ستايلاتة معيوبة
ها شفت منو طلع بينة السهل
ها شفت منو بينة كول و فعل
ها شفت بعدني مرخيلك الحبل
عادي سوي بيك مثل ما سويت قبل