كلمات طحتوا بحر

طحتوا بحر من بونه
لي يحدّره ما يردّ
زرقا غبيبٍ لونه
مويٍ لطيم يهدّ

لولا الغلا والمونه
تركناكم بدد
ما نرتضي لمهونه
ولا نخلف الوعد

بيصير لي تبغونه
لا ودّ ولا صدد
الباب لي تزلّونه
ما ينفتح بالودّ

موصدات احصونه
واقفول فيها اتشدّ
دام النفوس احقونه
وامودنه بالضدّ

ما ظنّي تذكرونه
معروفي والمسد
وين الفكر واركونه
عنكم غاب ونفد

والشور لي يشرونه
عدّ وردّ ومصدّ
وصوابٍ تسفّهونه
إلكم يوم ومردّ

جزات ما تنوّونه
اليوم وإلّا الغد
بيبان لي تسوّونه
لي صار جزر ومدّ

مثل الرشا يروّونه
في الدرب لي ممتدّ
والبذر لي تسقونه
ع الزارع يعتمد
اما تزيّن غصونه
ولا وقف عالحدّ

والفال لا تخلّونه
يابختي والسعد
بنلتقي في سونه
ولنا معكم عهد
وبيصير لي تبغونه
إن چان دام الودّ

اغنية طحتوا بحر – جسام محمد
Tehto Bahr – Jassem mohammed